الترمس المطحون ... من اعظم اسرار الطبيعة

الطبيعة مليانة بالخيرات والمفاجأت اللى بتخلينا احيانا نستغرب اننا بنهرب منها للمركبات الكيماوية ومن ضمن المعجزات الطبيعية اللى كتير مننا مش بتهتم بيها هى الاعشاب الطبيعية ... تخيلو ان كل مستحضرات البشرة التجميلية والعلاجية اساسها هو الاعشاب لكن للاسف المواد الكيماوية اللى بتكون فيها بتسيب اضراراكتر من انها تكون ليها فوايد 

جدتى كانت دايما تقوللى الكيميا زى ما بتعالج حاجة بتبوظ بدلها ستين حاجة .

وكانت دايما تنصحنى بمكونات طبيعية كتير فعلا تفيدنى ومن ضمن المكونات الطبيعية المفيدة جدا الترمس

النهاردة فى سهرتنا هانتكلم عن الترمس واد ايه هو مفيد جدا لحاجات ككتير اوى تخص جمالنا

اهم فوايد الترمس المطحون انه بيوحد لون البشرة وبيخلصك من الكلف والعلامات حب الشباب فى حالة استخدمتيه كماسك مرتين فى الاسبوع وتركيبة المسك بتفرق مع اختلاف نوع البشرة ممكن تمزجيه مع الزبادى والعسل اومع مية الخس والخيار او مع اللبن حسب نوع بشرتك سواء كانت دهنية او جافة او عادية

تانى فايدة من فوايد الترمس المطحون تنعيم بشرة الجسم بعد حمام البخار وده لما تعجنيه بمية الورد وتدهنيه على جسمك بعد الحمام السخن وبعد التكييس بالليفة المغربية حطيه على جسمك وسيبيه شوية وبعدها اشطفيه وده بينعم الجسم ويديله لون وردى وكمان مية الورد بتساعد على غلق المسام بتاعت الجسم وده طبعا احسن وارخص بكتير من التونر بكتييير

تالت فايدة من فوايد الترمس المطحون 

التخلص من قشرة الشعر وده لو عجنتيه مع الخل وحطيتيه على فروة راسك لمدة 10 دقايق وبعدها اغسليه ومشطى شعرك بمشط ضيق للتخلص من بقاياه اللى على الشعر

تابعونى كل يوم علشان تعرفو اكتر عن اسرار الطبيعة وطريقة استغلالها لصالح جمالك 

نورشاد

Read More

تألقى مع مجموعة ملابس المنزل من نورشاد ستايل لصيف 2013

جميع الموديلات المعروضة متوفرة بجميع المقاسات

 من مقاس S وحتى 5XL

فى حالة الرغبة فى شراء احد منتجاتنا رجاء التواصل على 

01004394929

01203104060

او تفضلو بزيارة صفحتنا على الفيس بوك 

نورشاد ستايل للملابس الحريمى وملابس الاطفال

Read More

حقيبة الزكريات والزبالات بقلم دوبى فاروق

 صباح الفل عليكو 
النهاردة فضلت افكر ياترى موضوع التدوينة هايبقا ايه وماكنتش عارفة اجمع اى افكار لحد ما وقعت عينى بالصدفة على حقيبة الزكريات والزبالات ,
طبعا كله بيقول ايه الحقيبة دى انا بقا اقولكو ركزو معايا وخصوصا البنات Oo بصى يابنتى انت وهى طبعا كلنا مر علينا ناس كتير جرحونا .. وضايقونا .. ويمكن كمان غيرو مسار حياتنا بسبب انهم انانيين ومتخلفين ... طبعا بيسيبو زكريات معانا .. هدايا مثلا .. ورقة .. وردة ...   اى حاجة رمزية .. الخ ..
وكل الحاجات دى بتخلى طيفهم حوالينا فى كل وقت وبتجدد الزكريات اللى بتوجعنا اوى كل لما عيننا تقع عليها صح؟؟

 اعملو اللى هاقولكو عليه ده وانتو مش هاتندمو هاتو شنطة هدايا كبيرة اوى اكبر حجم ... وتكون لون انت مش بتحبيه ولا بتطيقيه .... واكتبى عليها  حقيبة الزكريات والزبالات ..
جمعى فيها كل حاجة بتفكرك باى حد جرحك او زعلك  وفى ازبل مكان واكتر مكان مهمل فى البيت حطيها يعنى مثلا جنب سلة الغسيل اللى فى اوضتك جنب باسكت الزبالة تحت حوض المطبخ .. دولاب الخزين .. انشالة حتى فى باسكت التوم والبصل :) اهى اى حتة معفنة والسلام  ..والله يابنتى لما تحتقرى الزكريات اللى مزعلاكى هاتلاقيها خلاص مش مهمة خالص وهاتنسى اسرع اسألى مجربة .. 
والاهم بقا كل لما الحقيبة دى تتملى من غير ما تفحيها ارميها فى الزبالة علشان تختفى تماما من حياتك وتحسى انك خلاص مابقاش عندك زكريات تزعل 
اه نسيت اقولكو حاجة مهمة اوى .. اى حد بقا يدخل حياتنا ونحس اننا هانتعلق بيه لازم يعرف موضوع حقيبة الزكريات والزبالات ده علشان لما يفكر يجرحك او يزعلك يبقا عارف كويس ان بعد لما يمشى مكانه مش هايكون جواكى ده  يادوب مكانة فى فى وسط الزكريات والزبالات  صدقونى دى فى حد ذاتها احساس قاتل لاى حد ... خصوصا لو حد شايف نفسه وعامل فيها بوب 

 شير بقا للتدوينة علشان كله يستفيد :)  

*** Doupy ***

Read More

شميزات نورشاد ستايل للصيف شكل تانى واسعار رائعة

النهاردة جبنالكو اول مجموعة من كوليكشن صيف 2013 الشحن لجميع انحاء الوطن العربى بالنسبة للدول المتاح بها التحويلات المالية من والى جمهورية مصر العربية

موديلات عالمية بصناعة مصرية 

كود 493 للمقاسات S \ M \ L

السعر : 110 ج. م

للمقاسات XL \ 2XL \ 3X;

السعر : 130 ج.م

كود 494 للمقاسات S \ M \ L

السعر : 90 ج. م

للمقاسات XL \ 2XL \ 3X;

السعر : 110 ج.م

كود 492 للمقاسات S \ M \ L

السعر : 130 ج. م

للمقاسات XL \ 2XL \ 3X;

السعر : 150 ج.م

انتظرو قريبا مجموعة جديدة من موديلات الصيف مع مصنع نورشاد ستايل باسعار المصنع او تابعو جديدنا من خلال صفحتنا على الفيس بوك : نورشاد ستايل للملابس الحريمى وملابس الاطفال 

Read More

وصفات سحرية لوجبات صحية لاولادك فطيرة لوكا لوكا

اول وصفة من الوصفات السحرية اللى هاتعجب اطفالك :

الفطيرة المجنونة لوكا لوكا انا اخترعتلها الاسم ده :) :):)
المكونات :
1- صدر فرخة مسلوق ومخلى من العضم ومفروم - او قطعة لحمة كبيرة مسلوقة ومفرومة - او قطعة سمك كبيرة مسلوقة ومفرومة ( اكيد هاتبقى طابخة اى اكل فى اليوم ده فيه اى نوع بروتين اختارى النوع اللى هاتبقى طابخاه فى اليوم ده ) .
2- نص حزمة بقدونس متقطعة ( الاوراق فقط بدون العروش )
3- حبة طماطم مقطعة شرايح رفيعة بدون البذر .
4-بيضتين
.
5- ثلاث معالق دقيق كبار
تلت كوباية لبن
ملح - فلفل اسود
3 معالق سمن او زبدة حسب نوع الدهون اللى بتستخدميه.
طريقة التحضير :
بتخلطى الدقيق واللبن والبيض مع بعض لحد ما يمتزجو تماما وبعدين بتضيفى البروتين بتاعك ( فراخ او لحمة او سمك ) وبعدين بتحطى باقى المكونات ماعدا الزبدة لان دى اللى هانحمر فيها الفطيرة وتخلطى المزيج لحد ما تحسى انه بقا متماسك وممتزج تماما وبعدين بتضيفيله الملح والفلفل حسب مانت شايفاه مناسب لطفلك
بتجيبى طاسة وبتحطى فيها السمن وتقدحيه وبعدين بتنزلى الخليط فيه بحيث يكون على شكل قرص مفرود مش سميك اوى علشان يستوى ومش رفيع اوى علشان مش ينشف يعنى يكون وسط وبعد تقريبا 20 ثانية تقللى النار على الاخر زى ما بتعملى الرز كدة .
لما تحمر من تحت اقلبيها واعملى نفس الموضوع لحد ما تتحمر بردو
وبعدين حطيها فى طبق وقطعيها زى ما بتقطعى البيتزا او التورتة وممكن تحطى عليها شوية جبنة موتزاريلا لو متوفر عندك  وقدميها مع بطاطس محمرة لطفلك حمرى حبة بطاطس واحدة كفاية لانه مش هاياكل اكتر من كدة
انتو عارفين الوصفة دى هاتكلفكو كام ؟
بالظبط 7 ج
بالذمة فيه ارخص ولا اسهل من كدة
انت كدة جمعتى فى طبخة احدة البروتين والدهون والكربوهايدرات والفيتامينات والحديد اللى طفلك محتاجهم والاكلة طعمها لذيذ جدا ومش مكلفة فى الوقت ولا الجهد جربوها وبالف لهنا على قلب حبايبى الصغننين ولو نفعت ماتنسونيش بالدعاء
ادمن : N
منقول عبر صفحتنا على الفيس بوك  نورشاد ستايل للملابس الحريمى وملابس الاطفال

Read More

اكلات لذيذة وصحية لاولادك ب 5 ج بس

فراخ- لحمة - بيض - لبن - سبانخ او خضروات

ولادنا بيعذبونا علشان ياكلو الاصناف دى صح ؟؟؟؟

مع انها اكتر اصناف مهمة لنموهم ؟ بس انابقا جبتلكو الحل الاكيد للمشكلة دى واللى هايخلى اولادكم ياكلو كل الاصناف دى وهم اللى يطلبوها منك كمان ابتكرت شوية طرق كدة وجربتها كلها على اسرتى علشان اتاكد من فاعليتها... ونتيجتها طلعت اكيدة 100%

مش بس كدة دى كمان ماخدتش منى اكتر من 7 ج تكلفة وربع ساعة فى التحضير وكلها من تلاجة بيتى .تابعونى  علشان تشوفو طريقة جديدة ومبتكرة لاكلة ولادك هايحبوها جدا وصحية ومتجربة قبل ما اجيبهالكو يا قمرات بس بليز لو حد فيكو جربها ونفعت معاه مش ينسانى بالدعاء

Read More

فكرة رومانسية لاجمل صباح يوم عيد الحب

الفكرة دى هدية منى ليكو علشان تعملو اجمل مج شاى يوم عيد الحب 

كل فالنتاين واحنا طيبين :)

Read More

فن اختيار الملابس وتنسيقها حسب الاوقات والمناسبات 2 الجزء الثانى

رجعتلكو تانى علشان نتكلم اكتر عن تنسيق الملابس وفى البوست ده هانتكلم عن الفترة الصباحية
والفترة دى سواء كنا بنقضيها فى الشغل او الدراسة او كنا بنقضها فى رحلة فا هى بتحتاج مننا اشراق وبساطة
ومن احسن الالوان اللى ممكن تلبسيها فى الفترة الصباحية :
الابيض - الاوف وايت -  البيج والعاجى - الوردى بدرجاته الفاتحة - الخوخى  
الالوان دى بتتميز بالهدؤ والاشراق واللى بتنعكس اضائتها على وشك وبتخليه يبان صافى اكتر وبتخلى مظهرك مريح للعين 
*طب هل ممكن ادخل الوان تانية معاها فى اكسسواراتى مثلا ؟
اه طبعا ممكن جدا يعنى مثلا اللون الابيض ممكن نضيفله اكسسوارات بينك بسيطة او نرتدى عليه شنطة وشوز وردى 
العاجى مثلا ممكن ندخل معاه قطع لونها خوخى او اورانج هادى 
* طيب الالوان الفاتحة دى مشكلتها انى ماقدرش البسها فى البنطلون لانه هايتوسخ بسرعة وممكن اقعد على حاجة فيها تراب وانا مش واخدة بالى 
طبعا اختيار لون البنطلون الفاتح يرجعلك انت  ومافيش مانع ابدا انى استخدم الجينز البلو بلاك او الازرق اوالبنى والبس عليه من فوق لون فاتح هادى بردو هايدينا نفس النتجة ونفس المظهر الصباحى المميز

طب انا مشكلتى انى باشتغل وبالبس لبس فورمال ( بدلة عمل او اى نوع من انواع الملابس الرسمية ) ازاى هاقدر اظهر بالمظهر اللى بتتكلمى عنه ده ؟
مش شرط انك تكونى بتلبسى كاجوال علشان تبانى مشرقة يعنى مثلا ممكن تختارى البدل اللى الوانها فاتحة او محايدة
زى الابيض والبيج والعاجى ا والرمادى الفاتح والمتوسط مثلا كل دى الوان بتحافظ على مظهرك الرسمى وف نفس الوقت تديلك الاشراقة الصباحة الصافية وتقدرى بردو تنوعى معهاها فى الوان القطع المكملة زى الشوز والشنطة اللى ممكن يكونو باللون البنى بالنسبة للالوان البيج والعاجى  او يكونو باللون الرمادى الغامق بالنسبة للبدلة الرمادى الفاتح او كونو كافيه او بيج غامق بالنسبة للبدلة البيضا .
استنونا بعد شوة هاجيلكو تانى ونكمل كلامنا عن الفترة الصباحية البوست الجاى هايبقا عن الالوان الشقية لقمراتنا فى الجامعة وازاى نقدر نستغل اضلئة النهار فى صالحنا علشان نبان زى القمر :)
نورشاد ♥♥
جميع الموديلات الموجود صورتها مع البوست متوفرة لدى نورشاد ستايل

Read More

فن اختيار الملابس وتنسيقها حسب الاوقات والمناسبات 1

مساء الخير  عليكو .. وحشتونى من اخر مرة كنت معاكو 

مشكلة البنات الازلية وقفتها قدام الدولاب كل يوم وتفكيرها هاتلبس ايه النهاردة  وياسلام بقا لو كان مشوار مهم او خروجة مع اصحابنا  نفضل نقلب ونعدل فى الدولاب واحنا محتارين ايه مناسب مع ايه وايه مناسب للوقت اللى هاننزل فيه او للمكان اللى هانروحه 

علشان كدة النهاردة بناء على رغبة قمرات صفحتنا هايكون عن فن اختيار الملابس وتنسيقها حسب الاوقات والمناسبات

طبعا اليوم بالنسبة لمعظم الستات بنقسم لفترتين : 

الفترة الصباحية:

 ودى عادة ما بتضيع كلها فى الوقت اللى بنقضيه فى الجامعة او الشغل 

والفترة المسائية :

واللى بتبدأ بعد 4 العصر ودى اما بنخلص فها مصالحنا ومشاويرنا اللى مش بنقدر نعملها الصبح او بنستغلها فى اننا نخرج مع اصحابنا او فى زيارة معارفنا 

وطبعا كل فترة من الفترتين دول بيكون لها متطلباتها فى الملابس من ناحة الراحة وقوة الاحتمال والالوان المناسبة وطبعا شكل القطعة نفسها .

بعد قليل هارجعلكو تانى علشان نتكلم فى الفترة الصباحية وهانشرح كل ما تعلق بها بالتفصل :)

نورشاد ♥♥

Read More

كورس جمال جديد مع نورشاد يوم الجمعة الجاية

ماتنسوش يا قمرات يوم الجمعة ان شاء الله هاتكون نور شاد معانا طول اليوم على المدونة وعلى صفحة الفيس بوك علشان كورس فن اختيار الملابلس حسب الاوقات والمناسبات  ياللا حضروا كل استفساراتكوا واسئلتكوا علشان تجاوبكو عليها بنفسها .

وماتنسوش شعارنا  

معانا انت اجمل .. ارق .. اشك .. اذكى

Read More

نورشاد ستايل فاشون بوابة الجمال: ريجيم ترتيب الوجبات سر من اسرارالرشاقة الفرنسية

نورشاد ستايل فاشون بوابة الجمال: ريجيم ترتيب الوجبات سر من اسرارالرشاقة الفرنسية: مساء الخير  قلنا فى البوست اللى فات ان الفرنسيات ليهم بعض الحيل والاساليب الرائعة فى المحافظة على رشاقتهم واللى كان من ضمنها خدعة الغقل ا...

Read More

ريجيم ترتيب الوجبات سر من اسرارالرشاقة الفرنسية

مساء الخير 
قلنا فى البوست اللى فات ان الفرنسيات ليهم بعض الحيل والاساليب الرائعة فى المحافظة على رشاقتهم واللى كان من ضمنها خدعة الغقل الباطن 
طيب نيجى لتانى طريقة من الطرق الهايلة دى وهى تنظيم مراحل الاكل .. بمعنى اننا بناكل الاصناف على التوالى مش كلها فى وقت واحد :
يعنى اولا ابدأى بالشوربة الاول لو موجودة فى وجبتك
وبعد كدة تاخدى شوية سلطة خضرا
وبعدها تبدأى تاكلى الصنف الرئيسى .
طيب اكيد بتسألى نفسك انا ليه ارتب الاصناف مادام فى الاخر هاكلهم كلهم ؟؟
احنا بنرتب الاصناف لهدف مهم جدا وهو اننا بندى للجسم اكبر قدر من الفيتامينات من غير ما ناكل وجبة دسمة وتقيلة بكمية كبيرة يعنى لما ببدأ بالشوربة اوالسلطة كدة انا مليت جزء كبير من معدتى بصنفين هايحسسونى بالشبع رغم ان الدهون قليلة فيهم جدا و نسبة الفايتمينات والالياف عالية جدا وده طبعا بيكون نتيجته انك بتاكلى كمية اقل من الاصناف اللى موجودة قدامك بعد كدة زى الرز او المكرونة او الطبخات الدسمة والمسبكة اللى موجودة فى كل بيت مصرى
مش كدة وبس لما ببدأ الاكل بطبق سلطة ده معناه انى باسمح لجسمى انه ياخد كمية كويسة من السوايل اللى هو محتاجها من خلال اكل الخضار الطازج الموجود فى السلطة واللى بيكون مليانة بالسوائل زى الخيار والخس والطماطم وده طبعا بيساعد جدا فى تسهيل عملية الهضم وبيساعد على تجديد خلايا البشرة وتحسين الدورة الدموية .
استنونى كل يوم بنصايح جديدة لرشاقتك وجمالك وماتنسوش
مع نورشاد انت اجمل .. ارق .. اشيك .. اذكى

Read More

عقلى الباطن ضد رشاقتى

وحشتونى من امبارح يا اجمل بنانيت
وقفنا امبارح عند اسرار رشاقة الست الفرنسية وقلنا انها دايما بتتبع فى حياتها اليومية الريجيم النظامى تعالو بقا نشوف ازاى نقدر نوصل للجسم المثالى ده من غير ما نحرم نفسنا من اى حاجة :
اول حاجة لازم تعرفوها ان عقلنا الباطن ده زى ما هو احيانا بيتحكم فينا على مزاجه الا اننا ممكن نكون اذكى منه يعنى مثلا من زمان ماما بتقولنا لازم تخلصى الطبق بتاعك كله يا اما هازعل منك او مش هاتكبرى او ربنا هايزعل منك فاكرين صح؟
طبعا لما بنكبر بننسا الكلام ده لكن عقلنا الباطن مش بينساه ودايما لما بتيجى تاكلى بيحفزك انك تخلصى كل الكميات اللى موجودة قدامك وده معناه سعرات زيادة احنا فى غنى عنها وبالتالى بدانة
طيب ازاى بقا اضحك على عقلى الباطن ؟؟
انا اقولك
اولا لما اجى اكل لازم يكون الطبق اللى معايا فيه كمية صغيرة عن المعتاد يعنى مثلا لو انت متعودة تاكلى كمية رز بتعادل 10 معالق خليهم فى الاول 8 بس, ولو متعودة تاكلى رغيف كامل خليه فى الاول 3/4 رغيف يعنى نقلل الكمية واحدة واحدة زى اللى بيقلل التدخين بالظبط واوعى انك تبدأى بتقليل الكمية للنص او التلت مرة واحدة لان ساعتها هايحصل خلل جامد اوى ولخبطة صحية احنا مش ادها.

تانى خطوة نخدع بيها علقنا الباطن اننا نوهمه ان جمال الاكل مش فى طعمه بس ,لا لازم كمان يبقا الجمال فى شكله كمان يعنى اختار طبق شكله حلو والاكل احطه بشكل حلو طب ايه فايدة الحاجات دى ؟؟
الفايدة ان الطريقة دى هاتشبع جواكى رغبه الاستمتاع بالاكل عن طريق استغلال حاسة البصر .

تالت حاجة هانخدع عقلنا الباطن بيها :
اننا اثناء الاكل ماناكلش بسرعة ( يمكن تقولو الاتيكيت بيقول ما ناخدش وقت كتير فى الاكل صح ؟؟ يولع الاتيكيت جسمى ورشاقتى اهم :) يعنى وانت بتاكلى كلى بالراحة واستمتعى بطعم الاكل نفسه اعتبرى الاكل مغامرة بتحاولى تكتشفى فيها طعم جديد ماكنتيش بتاخدى بالك منه او تكتشفى التوابل والمكونات المحطوطة فيه عن طريق تركيزك فى الطعم ومحاولة فهم التركيبة على فكرة الحكاية ممتعة اوى لانها هاتحسسك انك كأنك اول مرة تاكلى صدقينى وعن تجربة وده هايخلى عملية الاشباع تحصل عندك عن طريق حاسة التذوق كمان
يبقا كدة احنا عملنا اشباع لرغبتنا فى الاكل والاستمتاع بيه عن طريق حاستين البصر والتذوقعن طريق الاكل ببطء.
وبالطريقة دى عقلنا الباطن مش هايكتشف اننا خدعناه وقللنا الاكل :)
استنونى على مدار اليوم علشان نعرف سوا اكتر عن طرق الريجيم النظامى وخطواته واسرار الرشاقة الفرنسية
كله بقا يعمل شير علشان قمراتنا وصحباتنا يستفيدو
نورشاد ♥

Read More

انواع الحمية الغذائية وهدف كل منها

رجعتلكو تانى علشان نكمل موضوعنا النهاردة عن الحميات الغذائية واللى قلنا ان ليها اكتر من نوع وكل نوع ليه غرض معين فى استخدامه :
يعنى مثلا :
من انواع الرجيم مايسمى بالرجيم النظامى ودى عادة الست بتتبعها علشان تمد بيها جسمها بكل احتياجاته من بروتينات وفيتمينات ودهون ومعادن واللى بتساعد الجسم على تأدية مهامه بشكل سليم ومنتظم بدون مشاكل وبدون خوف من زيادة الوزن او فقدانه ودى الطريقة اللى بتتبعها الستات الفرنسيات فى حياتهم اليومية علشان تحافظ على شكل جسمها الرائع اللى كلنا عارفينه وان شاء الله النهاردة هاقولكو ايه هى اسرار الحمية الغذائية الى بيتبعوها الفرنسيات .
تانى نوع من الريجيم هو ريجيم التحكم فى الوزن ( انقاصه او زيادته ) ودى بتكون عن طريق حساب السعرات الحرارية اللى بيحتاجها الجسم يوميا ومقارنتها بالسعرات اللى انت بتاخديها كل يوم وبتتحكمى فيها سواء بتقليلها او تزويدها حسب هدفك انتى فلو عايزة تخسى بتنقصى من كمية السعرات الحرارية اللى بتدخل جسمك كل يوم والعكس لو عايزة تتخنى. شوية وجع دماغ النوع ده مش عايزينه صح :)
تالت نوع وهو الريجيم الخاص وده دايما هانلاقيه بيتبعوه مرضى امراض معينة زى السكر او الضغط وطبعا بيفرضه الدكتور فى الحالات اللى زى دى علشان يقلل من حدة المرض على المريض ويساعد على شفائه واللى طبعا عدم الالتزام بيه بيكون سبب فى تطور المرض .
استنونى بعد شوية رجعالكو تانى علشان نعرف ازاى نقدر نتحكم فى نمط حميتنا الغذائية من غير ما تأثر على صحتنا وعلى وزننا وكمان ماتنسوش هانقولكو اسرار جمال الست الفرنسية
♥♥ نورشاد ♥♥
شير بقا علشان كل صحباتنا يستفادو

Read More

يعنى ايه ريجيم ؟؟؟

ازيكو يا حلوين وحشتونى من اخر مرة كنت معاكو فيها
النهاردة زى ما وعدتكو اننا هانتكلم عن موضوع الريجيم والاسئلة اللى بتدور حوليه والتخوفات منه . تعالو بقا ناخدها كدة واحدة واحدة وعلى مدار اليوم باذن الله هانكون مع بعض ولو فيه اى استفسار ابعتولى رسالة على الصفحة وهارد عليكم ان شاء الله اول حاجة معانا النهاردة هى يعنى ايه ريجيم :
الرجيم او الحمية الغذائية كلمة اول ما بنسمعها بتنط فى دماغنا فكرة الوزن الزيادة والتخسيس وازاى نجوع نفسنا علشان نوصل لوزن مثالى .. وطبعا كل الكلام ده غلط لان الحمية الغذائية معناها ببساطة هو نظام الاكل اللى بتمشى عليه فى حياتك ونوعية الاكل اللى بتختاريها سواء كنت تخينة او رفيعة وسواء كانت صحتك كويسة او لا قدر الله فيه مشكله صحية.
كدة عرفنا باختصار يعنى ايه كلمة ريجيم وبصينا عليها من الجانب الايجابى مش من جانب التعذيب المتعارف عليه . طيب ايه هى انواع الرجيم او الحميات الغذائية المتعارف عليها وايه فايدة كل منها واسباب اتباعها ..استنونى كمان شوية علشان اقولكو معلومات هايلة عن الموضوع ده وياريت تعملو شير لكل بوستات النهاردة الخاصة بالموضوع ده علشان صحباتكو القمرات بردو يستفيدو بيها
♥♥ Nour ♥♥

Read More

العناية بقدمك وركبتك وكوعك فى خطوة واحدة

النهاردة كنت باتصفح موقع من مواقع الجمال ولقيته حاطط مقال  مهم جدا
عن كيفية العناية بالقدم فى عشر خطوات بس o.O( مش كتير خالص ولا حاجة )  مش هاطول عليكو دخلت اشوف العشر خطوات السهلين ( المفروض ان هم سهلين يعنى ) لقيتهم جايبين حاجات كتير اوى 
ماسك بقا وصنفرة وسويت وكريمات وحجر وكلام كتيير اوى :) 
وعلشان اعمل جلسة واحدة للعناية بقدمى المفروض اضيع تقريبا فيها حوالى 3 ساعات واكيد لازم استمرارية عليها يعنى اشطة مش هاعملها غير كل سنة مرة ده لو اتعملت :) لانى مش فاضية
 وقتها افتكرت حاجة جدتى ومامتى علموهالى زمان كانت بسيطة اوى ورخيصة جدا وهى خلطة الجلسرين والليمون وتمنها بالظبط 3 جنيه ونص
اه مستغربين ليه خلطة سهلة اوى وبتستعمليها كل يوم قبل النوم وخلاص
1- اشترى من الصيدلية زجاجة جلسرين صغيرة تمنها مش هايعدى3 ج.
2- ليمونة كبيرة تكون فيها عصير كتير :)
هاتعصرى اليمونة دى جوة زجاجة الجلسرين الصغيرة وترجيهم وكل يوم باليل ادهنى بيهم ركبتك وكعب رجلك ومنطقة الكوع والصبح اغسليهم وخلاص
( اوعى تسيبيهم ومش تغسليهم ) .
اهو ولا عشر خطوات ولا يحزنون وفى الاخر نتيجة مبهرة بعد كام يوم هاتلاقى المناطق اللى استعملتى عليها الخلطة دى بقت ناعمة ومافيهاش تشققات ومع الوقت بيدى ليها نضارة طبيعية جدا بس اهم حاجة انك تستعمليها كل يوم على الاقل لمدة اسبوع .
استنونى كل يوم علشان اديلكو نصيحة سهلة ومتجربة للعناية بجمالك ان شاء الله وماتنسوش اى حد عنده تجربة يفيدنا بيها يشرفنا اسقبال رسايلكو وتعليقاتكو على البلوج هنا وعلى صفحتنا على الفيس بوك♥♥♥♥ نورشاد .

Read More

الاكسسوار وفن اختياره الدرس الثانى

نكمل يا قمرات موضوعنا عن الاكسسوارات ومن اهم القطع اللى بتكون موجودة فى مجموعة اكسسواراتنا هى الحلق :
فى البداية لازم تحددى الوقت والمكان اللى هاتلبسيه فيهم( الصبح او باليل او فى سهرة ) وهاتلبسيه مع ايه

 ( كاجوال - كلاسيك - سواريه )
ومش بس كدة تسريحة شعرك كمان بتفرق فى اختيارك للحلق يعنى مثلا لو هاترفعى شعرك ( ديل حصان او كحكة مثلا )هايكون ليكى وقتها حرية الاختيار انك تلبسى اى حجم بتفضليه سواء كبير او صغير او طيل او دائرى على عكس الشعر السايب والى يفضل انك تلبسى الحلق الصغير او الدائرى الكبير ولكن تجنبى تماما الحلق الطوبل لو شعرك سايب لانه هايديكى نتيجة عكسية ويقلل من الجاذبية اللى بيديهالك شعر وانتى مسيباه .
اما لو كنتى محجبة يبقا اللفة الاسبانيش مناسب معاها الحلق الكبير ولكن تجنبى ارتداء الحلق فى حاجة ارتدائك لطرحة منقوشة او عليها رسمومات او متعددة الالوان .
ولو كنتى هاتلبسى فستان او موديل صدره مفتوح وله ياقة عالية وحبيتى تلبسى حلق يبقا يفضل انك تستغنى تماما عن العقد او السلسلة لان كدة هايكون فيه عدم تناسق بين لبسك وقطع الاكسسوار.
اما لو كنتى بتفضلى ارتداء الملابس الرسمية فى الشغل وحبيتى تلبسى حلق يبقا اختارى الحلق الصغير البسيط لان اى بهرجة فى شكل الحلق هاتضر بمظهرك .

Read More

الماسكارا لجمال عيونك

تعتبر الماسكرا أحد أهم مستحضرات التجميل، ولا غنى عنها في عالممكياج العيون، اذ تستخدم الماسكرا في تحديد وإطالة الرموش، كما تستخدم أيضا في تلوين رموش العين وإعطائها مظهراً كثيفاً.

أنواع الماسكرا
توجد ثلاثة أنواع من الماسكرا: الماسكرا السائلة، والماسكرا الكريم، والماسكرا البودرة، وتوضع الماسكرا في عبوات مزودة بفرشاة لوضع الماسكرا على الرموش، وتختلف أشكال فرشاة الماسكرا على حسب الاستعمال والغرض من وضع الماسكرا.

طريقة وضع الماسكرا
تستخدم الماسكرا مع جميع أنواع الرموش، وتوضع من الداخل إلى الخارج عن طريق غمس الفرشاة في أنبوب الماسكرا ثم توضع على أسفل الرموش من الداخل وحتى نهاية الرموش.

للحصول على رموش كثيفة، توضع الماسكرا بكثافة على نهاية الرموش، أما إذا كنت ترغبين في الحصول على مظهر العيون الواسعة، فيمكنك زيادة كثافة الماسكرا على الرموش السفلى للعين.

 

للحصول على رموش طويلة عن طريق الماسكرا، توضع طبقة أخرى من الماسكرا بعد الطبقة الأولى بحوالي 2 إلى 3 دقائق.

قد تتسبب الرطوبة الموجودة في الماسكرا في أن تبدو الرموش مدببة أثناء وضع الماسكرا، وللتخلص من هذه المشكلة يمكن استعمال الماسكرا المقاومة للماء والمعززة بتركيبة تساعد على جفاف وثبات الرموش، وفي هذه الحالة يجب أن تحرصي على ازالة الماسكارا المضادة للماء برفق كي لا تتسبب في تلف وتساقط الرموش.

وتعتبر الماسكرا التي تحتوي على ألياف النايلون (nylon fiber) هي الأفضل للحصول على رموش طويلة وكثيفة لأن ألياف النايلون تتعلق بأطراف الرموش مما يجعلها تبدو أطول وذات مظهر كثيف. كما أن الماسكرا التي تحتوي على بروفيتامين B5 تساعد على ترطيب الرموش وتعطيها مظهراً ناعماً وطبيعياً.

وللحفاظ على صحة وجمال عينيك، ينبغي التخلص من عبوة الماسكرا بعد 3 شهور من فتحها، خاصة إذا لاحظتي تغير لون أو رائحة الماسكرا.

Read More

اسماء الميك اب ومعانيها للمبتدأت

كتير مننا يا قمرات لما بدأت تستعمل مستحضرات التجميل كانت محتارة بين كل الانواع اللى قابلتها وبتسأل ياترى البودرة دى بتعمل ايه او القلم ده باستخدمه ازاى ... طب يعنى ايه مستورايزر او يعنى ايه كونسيلر النهاردة هانشرحلكو اسماء بعض المستحضرات دى:
 
الفاونديشن (foundation)= كريم الأساس للوجه

وفي منه أنواع هي: ليكويد( liquid) = كريم الأساس السائل.

كومباكت(compact)= الأساس المضغوط

لوز باودر (lose powder) = البودرة الحرة (السايبة)

تقدري تستعملي الكريم الأساس وتحطي فوقه البودرة السايبة..
أو تقدري تستخدمي البودرة المضغوطة لحالها ( تكون2 في 1 يعني تشمل كريم أساس وبودرة سايبة)


الكونسيلر(concealer)= كريم خافي العيوب (يوضع تحت العين لإخفاء السواد)
وتقدري تستعمليه لإخفاء الحبوب...يعني تحطي منه شوي على كل حبة طبعا قبل كريم الأساس...

الآي لاينر(eye liner) = الكحل السائل ويوضع على الجفن..

الآي شادو(eye shadow) = الظل اللي ينحط على الجفون..وفي منه بودرة وكريمي..

البلاشر (blusher)= هو بودرة أحمر الخدود ..وفي منه بودرة وكريمي..

ليب لاينر(lip liner) = هو قلم محدد الشفايف...

جلوس(gloss) = هو ملمع الشفايف ويوضع فوق الروج..

المستورايزر= هو كريم مرطب يوضع قبل كريم الأساس وهو أول خطوة نعملها لما نضع المكياج..

لو عندك اى استفسار بخصوص انواع الميك اب سيبلنا كومنت باستفسارك وهانردلك عليه
تابعينا دايما علشان تعرفى كل جديد فى عالم الموضة والجمال

Read More

ماسك للتفتيح السريع للبشرة

لو عندك مناسبة ومحتاجة بشرة بيضاء ونقية بشكل سريع اعملي الماسك دة قبل وضع المكياج بربع ساعة على الاقل

بودرة تلك + ماء ورد للعجن + قليل من البلاشر " بودرة خدود  "  الفاتح يستحن يكون وردى فاتح ودة المكون السري في الماسك
وزعي الماسك على الوجه باستخدام الفرشاة واتركيه حتى يجف ثم افركيه عن الوجه بدون استخدام الماء

بعدها مرري مكعب ثلج على الوجه بالكامل حتى يذوب المكعب كله ثم جففي وجهك بفوطة قطنية لطيفة

النتيجة بشرة نضرة فاتحة ومتوردة في اقل من ربع ساعة

Read More

مكياج للعيون باطلالة طبيعية ومضيئة تناسب جميع الاوقات والمناسبات بالصور

احنا اتفقنا يا قمرات ان البساطة هى عنوان الجمال علشان كدة جبنالكو النهاردة طريقة سهلة وبسيطة تعملى بيها ماكياج لعيونك ولا اروع والوانه هادية جدا وتتناسب مع معظم اوقات ك ومناسباتك والشرح كمان بالصور :

الخطوة الاولى :
 حطى طبقة من الاى شادو " ظل الجفون " على الجفن العلوى باللون البيج المصفر 

 الخطوة التانية :
مررى فرشة بالاى شادو البنى على الجفن السفلى لعينك لحد ماتوصلى للزاوية الخارجية وبعدها للجفن العلوى على حدود الظل البيج اللى حطيناه فى الخطوة الاولى .

 الخطوة التالتة :
حطى لمسة رقيقة من الاى شادو الذهبى على زاوية عينك الداخلية وده طبعا علشان تدى لعينك الاضائة اللاذمة اللى هاتظهر لونها .

 الخطوة الرابعة :
ارسمى خط باستخدام قلم العيون الابيض على الجفن السفلى من الداخل وبعدها ارسمى خط على جفن العين العلوى بالاى لاينر الاسود او البنى بحيث ان سماكته تزيد من الداخل للخارج " لو مش بتفضلى استخدام الاى لاينر بالنهار ممكن تستبدليه بالكحل او ممكن تستخدمى بدل الكحل الاى شادو الباودر بس تبللى الفرشة قبل ما تحطيها فى الاى شادو وهاتديكى نفس النتيجة ونفس الثبات بس مهم استخدام الفرشة المبللة فى الحالة دى

 الخطوة الاخيرة :
حطى طبقتين خفيفتين من الماسكارا على رموشك بس راعى الملاحظات دى اثناء وضعك للماسكارا :
1- لو عيونك واسعة او متوسطة  يستحسن الماسكرا تكون على رموش الجفن العلوى بس ونفس الوضع لو كنتى هاتعملى الميك اب ده لعنيكى لاصبح او وانتى رايحة الشغل مثلا
2- يفضل استخدام الماسكرا البنى فى حالة استعمال الاى لاينر البنى
3- مراعاة ان الطبقتين يكونو بشكل خفيف ومش سميك  جدا بمعنى ان الفرشة مش تكون مليانة اوى فى كل مرة علشان تدينا نتيجة كويسة وماتديش مظهر مبالغ فيه .

Read More

لونى صيفك بالوان كلها حيوية وتألق مع اكتر الوان طلاء الاظافر حيوية وانوثة فى 2012

نكمل يابنات موضوعنا النهاردة عن المانيكير والوانه اللى بتناسب فصل الصيف :
وزى مانتو عارفين ان فصل الصيف هو فصل الالوان الزاهية والمشرقة علشان كدة دايما لازم تدورى على الالوان اللى تخليكى متألقة ومميزة فيه ..
ولانك دايما مميزة فى نظرنا احنا جبنالك النهاردة افضل 6 الوان للصيف وده واللى هاتتماشى مع معظم الوان البشرة :
1 - الاورانج او البرتقالى :
وهو لون جذاب جرئ ومشرق بيمشى مع الوان كتير زى الابيض والسود والاصفر . وكمان بيمشى مع درجات البشرة الفاتحة والغامقة وبيدى ايدك تألق ونعومة بشكل رائع .
2 - الاحمر: وهو معشوق النساء على مر العصور .. مين فينا مش بتحب الاحمر سواء فى ماكياجها او فى ملابسها او اكسسوارها ... لكن هل انتى جريئة كفاية انك تجربى درجاته الجريئة فى مانيكيرك؟ ...
3 - الابيض : وكتير مننا بتستخدمه كمكمل للمانيكير سواءخطوط او رسومات على الاظافر..... وبدرجاته اللؤلؤية واللامعة بيخلينا نتمتع بنعومة ورقة وبهجة مش طبيعية لو استخدمناهم لوحدهم بشكل بسيط وبدون اى رسم على الاظافر .
4 - الوردى :
وده من زمان معروف انه لون الانثى لانه برقته ونعومته وتميزه قدر يتربع على عرش الانوثة سواء فى المانيكير او الميك اب او الملابس الصيفية وبدرجاته المختلفة الكتيييرة سواء فاتح او غامق بتقدرى تستمتعى بيه فى اى وقت من اليوم سواء الصبح او باليل وسواء كنتى لابسة كاجوال او سواريه ياترى انتى بقا بتحبى اى درجة ؟؟؟؟
5 - الازرق :
لون البحر... ولون السما ... ولون كل شئ جميل ومضئ حوالينا علشان كدة الازرق بردجاته هو اكتر لون ممكن تحطيه وانتى على الشاطئ وبدرجاته الكتير تقدرى تستخدمى معاه الوان كتير علشان ترسمى بيه اظافرك زى الابيض والبرتقالى والاحمر .
6 - الذهبى :
لون الذهب ... البريق الذى تتبعه المرأة اينما كانت ... ولكن احرصى انك تستخدمى الذهبى بالشكل المناسب وحسب الوقت اللى هاتستخدميه فيه يعنى لو رايحة سهرة يبقا مافيش مانع ابدا انك تستخدمى الذهبى بالجليتر علشان تضيفى بعض البريق لجمال ايدك .. ولو هاتستخدميه بالنهار يبقا يستحسن انك تستخدمى الذهبى الهادى اللى بدون جليتر وتكتفى باللمعة الاصلية للون على اعتبار انه لون براق فى الاساس .

و بعد ما اتكلمنا عن اكتر 6 الوان مميزين فى الصيف ده لطلاء الاظافر....ده مش معناه انك تتقيدى بيهم او انك تحسى بعدم الراحة لو ذوقك مختلف عن الالوان دى ماتنسيش دايما ان الموضة بتتعمل علشانك انتى .. علشان تبقى جميلة فى كل وقت .... لازم يكون ليكى لمستك الخاصة اللى بتميزك عن كل البنات والستات اللى حواليكى .... ابتكرى ... جددى ... ماتخجليش من انك تبانى مختلفة فى عيون الناس( مع احترام شرقيتك طبعا )
بسطى ستايلك ... ودايما كونى مقتنعة انك جميلة .. مميزة ... محبوبة..
خليكى معانا على مدار اليوم علشان لسة عندنا حاجات كتير ليكى .

Read More

اسهل طريقة لطلاء الاظافر على الطريقة الفرنسية

كتير مننا بتبقا نفسها تظبط شكل الاظافر على الطريقة الفرنسية بس ممكن ماتطلعش مظبوطة اوى معانا بس لو اتبعتى الخطوات دى هاتعملى اجمل مانيكيرفرينش :
فى الاول هاتحتاجى الوان اساسية علشان تشتغلى بيها وهى :
1 - اللون الشفاف ( مقوى الاظافر )
2- اللون البيج العاجى الفاتح او الوردى حسب اللون اللى بيمشى اكتر مع لون بشرة ايدك
3 - اللون الابيض اللؤلؤى الشفاف او البيج الفاتح
وكمان هاتحتاجى قطع من الورق اللاصق ( قص ولزق مثلا او شكارتون بتاع اسلاك الكهربا )
الطريقة:
1 - هاتطلى الاظافر باللون الشفاف ( مقوى الاظافر )
2 - بعد ماتنشف ابتدى اطلى الاظافر مرة تانية بس المرادى باللون العاجى الفاتح او الوردى او البيج زى ماهو موضح فى الصورة رقم 1ودى هاتكون طبقى الاساس فى المانيكير بتاعنا واستنى شوية لحد بردو ما اللون ينشف. .
3 - قصى الورق الاصق زالزقيه على الاظافر زى الصورة رقم 2 .
4 - دلوقتى جه وقت اللون الابيض او البج الفاتح هاتحطيه على طرف الاظافر زى ماهو موضح بالصورة 3 .
5 - ودلوقتى هاتشيلى الورق من على الاظافر بس براحة وبرفق علشان مايطلعش معاه الاساس بتاع المانيكير.
6 - دلوقتى هانرجع لللون الشفاف تانى ( المقوى ) بعد لما ينشف اللون الابيض هانطلى الاظاافر كاملة باللون الشفاف مرة تانية زى الصورة رقم5 .
دلوقتى انت خلصتى وبكدة تبقى عملتى اجمل مانيكير لايدك وممكن كمان تستخدمى الوان تانية بدل العاجى والابيض زى الروز واليبنك مثلا على اساس ان الروز يكون هو الاساس والبينك يكون هو رؤووس الاظافر . جربيها وهاتشوفى ان شكل ايدك بقا اجمل

Read More

اول درس فى كورس الاكسسوار وفن اختياره

زى ما إتفقنا يا قمرات ان اننا هاننشر يوميا نصايح عن كل ما يخص جمالك واناقتك وهانبدأ بأول كورس عن الاناقة والشياكة وهو موضوع طلبوه عضوات صفحتنا على الفيس بوك اننا نبدا بيه وهو الاكسسوارات وفن اختيارها وكل مايتعلق بيها ,
 واللى خلا فريقنا النهاردة يهتم بالموضوع ده بالذات هو ايميل وصلنا من احد عميلاتنا
( اللى طبعا اخدنا اذنها قبل نشر الموضوع )بتسأل فيه عن موديل معروض ضمن منتجاتنا وكان من ضمن اكسسواراته خاتم حجمه كبير طلبت تشتريه, ولما سألناها عن شكل صوابعها ضحكت وقالت سواء كبير او صغير هاتفرق فى ايه , ,

ومن هنا لقينا ان كتير مننا بتشترى الاكسسوارات لمجرد ان شكلها بيعجبنا من غير ما ناخد بالنا انها هاتدينا نتيجة عكسية وتدارى جمالنا بدل ماتظهره .
وعلشان نبدأ موضوعنا صح لازم فى الاول نعرف يعنى ايه اكسسواريز :

Accessories : هى القطع المكملة او ملحقات الشئ ومستلزماته

ولكن فى علم الجمال والموضة معناها : هى القطع او المكملات الأساسية والضرورية لأناقة وروعة ملابس المرأة اللى بيتم اضافتها لملابسنا علشان تظهر جمالها وتديلها شكل مختلف ,,,

ولان المرأة دايما بتسعى لاظهار جمالها بكل الطرق والادوات دايما بتحرص على استخدام الاكسسوارات لاضافة رونق خاص لكل لوك بتظهر بيه .
ومن هنا هانلاقى ان اختيارنا لكل قطعة من اكسسوارنا بيعكس شخصيتنا وطريقة تفكيرنا ونظرتنا لنفسنا .
استنونا على مدار الاسبوع علشان تعرفو اكتر عن الاكسسوارات وكيفية اختيارها .
Noura

Read More

انتى اجمل ...ارق...اشيك ... اذكى .

احنا مؤمنين جدا ان الشياكة والاناقة والجمال مالهومش علاقة انت معاكى كام بس ليهم علاقة انت ذوقك ايه
مافيش ست مش جميلة ..... مافيش ست مش ذكية.... ومافيش ست ذوقها وحش..... بس ساعات احنا بنحتاج حد يساعدنا علشان نشوف جمالنا وذكائنا ده

 علشان كدة كل يوم فريقنا موجود  علشان ترد على استفساراتك واسألتك عن الموضة والجمال والصحة والرشاقة
مش مش بس كدة احنا كمان هانديكى دروس يومية عن تنسيق ملابسك واكسسواراتك زى اى ستايلست محترفة.... وازاى تختارى الوان مكياجك حسب المناسبات وحسب اوقات النهار........ وكمان نصايح علشان تعملى شوبينج بارخص الاسعار وتقدرى تستفيدى اعلى استفادة بميزانيتك مهما كانت صغيرة. وحاجات تانية كتييييييييييييييييييير...

اسمحيلنا نكون احنا الحارس الشخصى لجمالك وانوثتك ونكون دليلك لجمال واناقة وشباب دائم ليكى ولكل افراد اسرتك .
استنونا ابتداء من اول الاسبوع ان شاء الله علىشان هانبدأ اول كورساتنا فى العناية بشياكتك وجمالك .
مع نورشاد ستايل ...انتى اجمل ...ارق...اشيك ... اذكى .
                                                                                            


                                                                                                  فريق نور شاد ستايل

Read More